بقلم / عادل شعبان

حقوق النشر محفوظة
---------------؛
مش انا اللى تحبيه
-----------------؛

مش انا اللى تحبيه 

وتضحى بنفسك عشانه   
مش انا اللى تقاسميه
جرحه وفرحه و..حنانه
انا اللى .. دور ع الوفا
ف زمن .. غير زمانه
وفاكر .. الحب لسة
والحب .. مش أوانه
انا اللى عمره ضاع
ضاع .. ما حس بيه
مش انا اللى تحبيه
------؛
ندمان .. على كل دقيقة
عشت فيها .. بكيانى
ندمان .. لما لقيت الحقيقة
مش ح تعيده تانى
والعمر اللى باقى
يادوب .. للذكريات
وصعب فيه التلاقى
بعد ماالقطر .. فات
حرام تروى السواقى
ورد .. دبل .. ومات
مش ح ازود ع الجراح
جرح ماحدش .. يداويه
مش انا... اللى تحبيه
-----------؛
 بقلم / عادل شعبان