كان_حلم / وسام_القاضي

#كان_حلم

نفسي فعلاً اتولد جوه قلبك من جديد
أنسى كل عمري وكل احزاني
أخرج بره حدود الكون واكون انت 
اسمع كل مفرداتك العفوية
واضحك واستغرب واستاء كمان
اتخانق و اغضب وتراضيني
تضمني ليك اوي وتدفي قلبي
تعاكس كل أفكاري وتقول يامجنونة
انتي قدري بعشقك
عندك شيزوفرينيا بس بحبك فعلاً
عايزة وقت الشدة الاقيك هادي بتسمعني وفاهمني
حاسس بيه بحزني وبفرحي
بتقويني وتسندني مش بتيجي عليه
بتشجعني وعارف اني بيك ومنك و إليك
عايزة اغمض عيني على حلمك
افرح معاك واشتاق وابعد واقرب
أكون كل حاجه وعكسها
وتعرف ان ده ليك بس وعشانك أتوجد
واموت من الخوف عليك برضو
وتستحمل غيرتي
وانت بتسأل ف كل وقت حتعقلي أمته
واضحك بصوت عالي وأقولك مش هعقل
واخلي النوم يخصمك وتفضل تفكر فيه
اخطف عقلك مش قلبك بس
ومتزهقش ف يوم من سؤالي وتهملني
ولا تدور على الف حال يشغلك عني
متشوفش بعينك غيري مهما قبلت
ووقت ما أقول محتاجك تتوجد ايوه
ماهو حقي المفروض ف الدنيا انت
اطلع معاك السما التامنة
اللي يامه حكيت عنها
واكون نصيبك وبختك ف الكون
 ادور في فلكك واكون مجرتك الوحيدة
على حدودي كل الأوقات توقف معاك
كل الهموم تسقط عنك
اشيل عنك وليك الدنيا
و أوصل الاحلام بتوب الحقيقة
أنت معرفتش ف يوم انا حبيتك قد ايه
ومعرفتش ازاي جيت ومنين و ليه
ومعرفتش أنا النهارده إحساسي إيه بيك
عارف ليه ؟
لأنك عمرك ما تعبت عشاني 💔
ولا فكرت انا محتاجه ايه 💔

#وسام_القاضي