مختل / بقلم إندرو فرج

مختل

شعب وشال الطين
المجرمون صارو مختلين
فكركم هيوصلنا لفين
فوقوا يا متعلمين
مصر مش للمختلين
مصر ولادة العلماء والأدباء
والمفكرين
طول عمرنا شعب واحد فكر
هم حزن فرح واحد وأمتي
فرقنا دين
شعب وشال الطين

ماسك في أيده سكينه
عارف الطينه من العجينه
مميز ما بين محمد ومينا
وحافظ كل أسامينا
ومحدد كمان رقابينا
مختل وأتعرف على أسامينا
مختل عقليا ومشي مشوار
متعلم أن المسيحيين كفار
دبحهم هينجيه من النار
ودق الأعناق هو القرار
جنه وحور نهاية المشوار
وتذكرته رقبة مينا
وده مش تعاليم دينه
مختل وعرف يفرق ما بين
محمد ومينا
يا حكامنا بصوا لينا
ما تفرقوش ما بين محمد ومينا
وتعاقبونا علي أسامينا
وكل الأحكام تيجي علينا
مصر بيكم وبينا
وزي ما ليكم بردوا لينا
المحتل مش هيفرق ما بينا
هيجني عليكم وعلينا
يا مصر أمتي هتحضنينا
وللمواطنه تعلمينا
مختل وعرف يفرق ما بين
محمد ومينا
كثيراً أقف مزهول
بلعبكم بالعقول
حارق الكنائس مفجر الحارس
قاتل من بأمان جالس
معري العجائز
تخلوه ليه مخبول
كفاكم لعبكم بالعقول
مختل وعرف يفرق ما بين
محمد ومينا
هنفضل طول عمرنا متماسكين
يد وحده مسلمين مع مسيحيين
وهنعيش في وطنا أمنين
ومش هيفرقنا فكر الأرهابيين
فكرنا واحد أحنا المصريين
نعشق مصر لأننا وطنيين
مختل وعرف يفرق ما بين محمد
ومينا

كلماتي إندرو فرج 
27/7/2017