في ذكرى وفاة
نجيب سرور *** بقلم السيدابوطاحون
*********
كان واد نجيب
وأبوه سرور
لكنه من كتر الحسد
تاه منه عنوان الجسد
قرر خواته يغرقوه
ويحرقوه وقدموه ..
مشوي لأبوه
لكن روحه إتأبدت فينا
وطرح لها النهر العظيم
طرح المدد
مليون جسد
نام واتولد
و رقاها سيدنا الولي
من شر حاسد قد حسد
وقعد يلف ف الصحاري والكفور
وهو ع القهوة وتد
عشمان ف قلة ماية
وشوية شعير
عملوله تيه ..
لكن ما تاه
رموه ف بير ..
لكنه تبت ف الحياة
على كبري قصر النيل
تلقاه والدنيا خانقه
وف ليلة رايقة
تلقاه ف ندوة أو ف مسرح
يجمع ويطرح
حاطط إيديه
علي كتف بنت جميلة عايقه
ومهما كات الدنيا ضايقة
أو حتي زنقة
لا مد إيده ولا إتهزم
يا سلااام وراسه ف السما
نجيب سرور ..
عايش ما مات
تقول عليه نيل أو هرم
*********
نجيب_سرور
السيدابوطاحون
الاخنوم
نجيب سرور *** بقلم السيدابوطاحون
*********
كان واد نجيب
وأبوه سرور
لكنه من كتر الحسد
تاه منه عنوان الجسد
قرر خواته يغرقوه
ويحرقوه وقدموه ..
مشوي لأبوه
لكن روحه إتأبدت فينا
وطرح لها النهر العظيم
طرح المدد
مليون جسد
نام واتولد
و رقاها سيدنا الولي
من شر حاسد قد حسد
وقعد يلف ف الصحاري والكفور
وهو ع القهوة وتد
عشمان ف قلة ماية
وشوية شعير
عملوله تيه ..
لكن ما تاه
رموه ف بير ..
لكنه تبت ف الحياة
على كبري قصر النيل
تلقاه والدنيا خانقه
وف ليلة رايقة
تلقاه ف ندوة أو ف مسرح
يجمع ويطرح
حاطط إيديه
علي كتف بنت جميلة عايقه
ومهما كات الدنيا ضايقة
أو حتي زنقة
لا مد إيده ولا إتهزم
يا سلااام وراسه ف السما
نجيب سرور ..
عايش ما مات
تقول عليه نيل أو هرم
*********
نجيب_سرور
السيدابوطاحون
الاخنوم
ليست هناك تعليقات:
إرسال تعليق