كل واحد / بقلم الشاعر / رمضان الدمرداش

كل واحد--كلمات من الواقع
 

كل واحد فينا فيه اللي مكفيه
ماحدش خالي من الاحزان
مين فينا الدنيا ماجات عليه
الحزن جوا القلب ليه مكان
لو تداري الحزن قلبك ما يخبيه
مكتوب علينا في كل آوان
كل واحد فينا فيه اللي مكفيه
ياما في القلوب أسرار
في ناس في قلوبها حب وأماني
في ناس في قلوبها عذاب ومرار
مستحيل اللي فات يرجع تاني
مهما تبكي مهما تنده عليه
كل واحد فينا فيه اللي مكفيه
 

قلب شاعر-رمضان الدمرداش--6\10\2017