بقلم الشاعر نصر مصطفى
....... ........................................................
اعذرني حبيبي
عذرك مو مقبول
بتغافلني و بتقول
اعذرني حبيبي
كلمة بتردّدها عَ طول
بتصرخ و بصوتك المشلول
بتحبني بجنون
و دوم فيّي مشغول
مجنون انت مجنون
و عن حالك مو مسؤول
اعذرني حبيبي
بترجع
بتصحي الوجع
و بتحكي و أنا عم اسمع
كلامك المعسول
حيرتني بأقوالك
ماضل حكي ينفع
و لا ها القلب تخدع
صرت منك مذهول
اعذرني
و العذر منك ألم
وحبك في قلبي عدم
عضيت أصابعي ندم
عَ سنين كانت وهم
اليوم ضاع الحلم
لا تطعن
قلبي الموجوع
خنجرك بي ها القلب
مزروع
روح
مهما سكبت دموع
ما بشفع
و بحبي لا تطمع
إلك ما في رجوع
و لا انت معذور
و لا تقول
معذور ع طول
اعذرني
عَ كل شي منك بدا
أعذرني عَ غلطاتك
اللي عم ردّدا
بلكي بتلاقي
بقلبي صدا
اعذرني
حبك بقلبي ما بقا
و شريان قلبك ما سقا
نبضات قلبي يخفقا
ورقة بأيدك تحرقا
..
اعذرني حبيبي
قديش عنك بعتذر
و عَ غلطاتك بنتظر
و بسامحك
بتضّجر
و كلماتك بتهرب
بسهر
و بٱانسك
بتغيب .. بتهاجر
و بتضل روحي
معك تسافر
بترافقك
ياما تحملت الصبر
و كنت معك صبور
و ع حبك غيور
يا خسارة سنين العمر
اعذرني حبيبي
ع البعد
أشواقي غطاها البرد
و أيام رح تمرق بعد
و الوعد
رح يبقى وعد
اعذرني
ما ضل عندي جلد
ضيعت حبي للٱبد
بأفعال متل الولد
و ما كنت رقم و لا عدد
كنت الاول و العهد
خلي ذكراك متل شروق الصبح
توقف ع بواب الفرح
و تشرح يا اللي ما انشرح
زرعني ع شفاف الجرح
سنابل قمح
و اسقي الجرح
بمية ملح
خلي الملح
يداوي الجرح
اعذرني انا
مو انت معذور
بقلم نصر مصطفى
سوريا
ليست هناك تعليقات:
إرسال تعليق