( وقالـوا اسكـت ) / بقلم الشاعر / صلاح الشيخ

( وقالـوا اسكـت )
......................
وقالوا اسكت بلاش تكتب
وخلى الصمـت عنـوانك
وعيش الحـب والذكـرى
وعيـش الهمسه واللمسه
وقلــت أبحـث عـن الفكـــره
ف كام دفتر وكام ألبوم للذكرى
ده رومانسى .. وده مانسـى
وده حبـى اللى كان أمسى
ومتربـع ف شريـانى
لقيت صوره ..
عيــون لونهـا بلـون النـيل
وشعر جميل كما المواويل
وراس بالعـزه مرفـوعـه
وفوقها التــاج والسلطـه
ودمعة حـزن ف عنيها
وجرح حبيب غدر بيها
وقلت أمسح ..
دموع الحزن فى عنيها
قالولى اسكت ..
بلاش تمسح دموع محبوب
بلاش تكتـب عن المغلوب
وسـيـب الخــلـق للخــالـق
بلاش تحيا وعيش مغلوب
.....................
بقلم الشاعر /  صلاح الشيخ