شعر عارف شلش الساعدي
دوار بينه الوكت
وخله النذل يحكمك
شتختار گلي بعد
وحارس البيت انهبك
والحق لگيته اندثر
والطيب اشوفه انهلك
من حيث على النذل
واليمشي باطل ملك
وهالناس عاشت دجل
وياخويه طرنه الفلك
تهجرنه من هالوطن
وانته التحن الهلك
والبينه حگها ارحلت
وكلمن طريقه سلك
بكل ديرة صرنه بغرب
ايسالوني وانه اسالك
مغدور حقك يخي
المنك اوبيك اخذلك
وحط حارس ايراقبك
بطيبه يخي اوهمك
خطار گال شتحب
بس انه اجيك اوصلك
رايح اوجاي اليمر
نوبه الشتم وانعلك
جاسوس عندك يخي
بدوره يريد انخلك
حامل اسلاحه اوشهر
لوتحچي راح اكتلك
وادريك تلزم صمت
ونطاك فرصة امهلك
طب بيتك اوفلشه
گلي شنو الغيرك
للدخل بيت اعتنى
ايگلك انه احررك
وبخدعة راح اغدرك
ومحتل اخذ كلشي ومشه
بنهب وسلب فلشك
اصحى اعلى وضعك يخي
واتحسس اليقبلك
وخطط النهجك وامش
الاحبابك وكل هلك
ماينفع البيه دغش
للي دخل موطنك
دوار بينه الوكت
وخله النذل يحكمك
ليست هناك تعليقات:
إرسال تعليق