كل الشكر والتقدير لأخي والشاعر الغالي أحمد عيسي
علي أبداع إحساسه في إلقاء قصيدتي
رسايل مخفيه
محبوبتي
بعد السلام
كل الكلام
جوايا مايكفيش رسايل
أصل الكلام
إزاي هيوصف
حظ اللي قلبه
في الحب مايل
حظي كدا
حظي إن أكتبلك جواب
محتاج بجد إني أشوفك
والله مش هكتب عتاب
عارف أنا مقدر ظروفك
علشان صحيح مش حاسه بيا
ولا عارفه إيه المكتوب عليا
حظي يكون قلبي الضحيه
لكنه نفسه يوم يشوفك
لكنه بيقدر ظروفك
عارف دا فيه بنا حدود
وانتي كمان بتداري خوفك
واكتب ولا لاقي الردود
لكن انا مقدر ظروفك
لكن انا مقدر ظروفك
رغم دا كله
هفضل اكتب
يمكن جواب
يوصل إيديكي
ولا عمري أيأس
ولا حتي يخلص
كل الكلام
بعده كمان هكتب إليكي
بسم الله رب القلوب
أنا المسكين وانا المغلوب
وانا المجذوب
عشان ليلي
ويا ليلي
ليالي الغربه ليه طايله
بعافر لجل أوصلك
لكن إيدي ولا طايله
ويا ليلي
دموع العين كتير سايله
ويا ليلي
لأخر العمر أه غاليه
أنا بتمني ليكي الراحه
وراحتي عايشها انا بطيفك
صحيح الدنيا جراحه
لكني انا مقدر ظروفك
لكن انا مقدر ظروفك
أخر الكلام
بكره كمان هرسل إليكي
يمكن في يوم
تقراه عينيكي
لكن يفيد دا كله بإيه
ماانا الراسل ومرسل إليه
شوفتي بقي إني بحبك
إنتي واحدك قد إيه
وادي الختام
ويا السلام
رغم إني مش قادر أشوفك
لاء مش حرام
فيكي الغرام
لكن انا مقدر ظروفك
لكن انا مقدر ظروفك
أحمد طلبه
ليست هناك تعليقات:
إرسال تعليق