وانا وانتي ع الكورنيش بنتمشى
وفجأة كدا وعلى سهوة
لقيت ايدي بتتسحب
لحد ما مسكت ايديكي
وحضنتها
وروحتي ساعتها باصالي
ما كنتش حاسس بنفسي
ولا بالدنيا من حوالي
ما كنتش عارف احكيلك ولا اتكلم
فكان قصدي اوصلك واعبر لك بلمسة ايد
كلام في لحظة تاه مني وانا معاكي
وشوقي ليكي وحنيني في وقت البعد
وتحسي بحبك وهو بيجري في وريدي
والله بجد
ده أجمل يوم كان ف عمري
ده يوم عيدي
حبة مشاعر
#بقلمي
أبو عبد الله
ليست هناك تعليقات:
إرسال تعليق