الدنيا / بقلم الشاعر / إندرو فرج

الدنيا

ليه يا دنيا مخاصماني ؟
تقسي عليّ وأبقي الجاني
ومن الفرحه ديما حرماني
من مصغري وأنتٍ متوهاني
واخده مني أكتر ما عاطياني
آه يا دنيا ديما مغرباني
غربتيني توهتيني ضيعتيني
مرك سقتيني.حلوك طفحتيني

ليه يا دنيا مخاصماني
تقسي عليّ وأبقي الجاني
يا ريتك لغدرك تعلميني
وبراحتك يا دنيا أجرحيني
بس قبل ما تجرحيني علميني
أبقي زيك الغدر هو تعليمي
عمري ما هيكون ليكي تسليمي
ليه يا دنيا مخاصماني
تقسي عليّ وأبقي الجاني
شربت عذابك وأرتويت
ولو ضحكتي لي لحزنك حنيت
أنا إللي ياما منك أنكويت
وأرجع ألاقيني في حضنك
أتداريت
حتي في فرحي بكيت
ومن أفعالك أنا مليت
ليه يا دنيا مخاصماني
تقسي عليّ وأبقي الجاني
فاكر مره أبتسمتي لي
زعابيرك قامت طفت قناديلي
وقبلها للسعد ياما مهدتيلي
وكنت فاكرك لهمي هتشيلي
أتاري غدرك غالب مشاوريري
أمتي بقي في حالي تسيبيني
لا أجرحك ولا حتى تفرحيني
ليه يا دنيا مخاصماني
تقسي عليّ وأبقي الجاني
لا عايز لا جرحك ولا فرحك
ولا حتي ألومك ولا أعاتبك
كرهت السعد إللى قربك
خلاص كرهتك ومليت حضنك
أبعدي عني وبلاش عندك
يا ريتني كنت أعرف أخاصمك
ليه يا دنيا مخاصماني
تقسي عليّ وأبقي الجاني
يا متعشم في الدنيا كله سراب
لا دنيا باقيه ولا حتي الأصحاب
دنيا زايله ومش باقيه ع الأحباب
عمرك ما تشوف الراحه إلا لو
غطاك التراب
أوعي تنتظر السعد أو الفرح إلا من
رب الأرباب
المتغطي بالدنيا عريان وعمل زي
إللى سكن بيت لا ليه سقف
ولا عليه كمان باب
ليه يا دنيا مخاصماني
تقسي عليّ وأبقي الجاني

كلمات إندرو فرج
عاشق نيلها
18/8/2017