««« زمان قاسو لحماق »»»
هدا زمان قاسو لحماق
كذوب ... و بلية ... و زواق
شفت شاب كاره لفياق
ما يفكر غي ف التبواق
البنت تعرف شلا عشاق
طالبة 2 مليون صداق
گولي آش هاذ النفاق
صرة تبان ... وشمة ف الساق
حياتنا ولات لا تطاق
و القانون حمق معاق
سرقة... تخمال... و تبلاق
و الغش شمل الاسواق
ما بقى لون و لا مذاق
كحل و بيض كيف اللقلاق
من قال في قلبو اشواق
تلقاه .... غشاش و نماق
برلماني نْعَس ما فاق
يتسنى وقت لاستحقاق
و لوزير يكدب بسماق
و الطرقان عمرات شقاق
مرروا صفقة باتفاق
امضاءات ف شلا اوراق
بغيت نسول يا رفاق
فين قراوا هاذ الاخلاق
واش يخدمو من الاعماق
و لا و سيلة للارتزاق
حيث ما شفت غير السراق
على كراسي يخوضوا سباق
بقلم الشاعر / يزيد علوي اسماعيلي
ليست هناك تعليقات:
إرسال تعليق