(بسك يازمن) شعر الشاعر عارف شلش الساعدي

(بسك يازمن)
شعر الشاعر عارف شلش الساعدي
بسك يازمن ماتثبت براي

وتمشي بالعكس من تفتر اوياي
مطخ راسي الك لوحمل اجبال
وشيلأ كل حمل مهما الحمل مال
صبرت سنين راحت وانه عالحال
خلص عمري بعد شيهمن بالجاي
بسك يازمن ماتبت براي
تمشي بالعكس من تفتر اوياي
احسبه اويه المضى وماخاف اليصير
لان بيه كلشي شفته انطاني تحذير
واگول کلشي الك ماياخذه الغير
وخذت عبرات منه واحسب اهواي
بسك يازمن ماتثبت ابراي
وتمشي بالعكس من تفتر اوياي
شما تخدعني تنسه وانه منساك
ولامال اولد تنفعني واملاك
شما سويت بيه اتزامط اوياك
ومالگه بعد لليحچي شراي
وبس يازمن ماتثبت ابراي
وتمشي بالعكس من تفتر اوياي