قصه اليوم ( لقمه هنيه من الطعميه علي الطبليه ) بقلم الكاتب محمد ابوشنب
المره دي ام سيد يتبص علي جيرانها وتشوف ده جايب ايه ودي جايبه ايه وبعد
كده تنكد علي ابوسيد شوف ياابوسيد ابومحمد جايب ايه اكل فراخ ولحمه وفاكهه
مش زيك دخلنا بفول وطعميه ابوسيد احمدي ربنا ياوليه ماهو علي قد ايدنا واهو
كله علي ايدك ام سيد عينها علي الجيران ام محمد تجيب حته دهب تنكد علي
ابوسيد ابومحمد عنده عربيه بص اهو عنده عربيه مش انت كل ماتخرج تبهدلنه في
المواصلات ابوسيد احمدي ربنا ياام سيد هاجيب منين ربنا يرزق
نحمد الله علي اللي احنا فيه غيرنا مش لاقي العيش الحاف الحمد لله ياام
سيد تريح القلب والوجدان ولكن طول ماانتي بتبصي لغيرك هاتعيشي تعيسه ارضي
بال ربنا قاسملنا بيه ونحمد الله ربنا مقسم الارزاق والذكي اللي يقدر يعيش
علي قد دخله وميمدش ايده لغيره وميبصش لغيره والحياه اهي ماشيه وهي مستوره
احنا ياام سيد نعمل اللي علينا انا بشتغل بايدي وسناني والباقي علي ربنا
مين عارف ابومحمد جايب الفلوس دي منين ربنا هو العالم وربنا يرزق الجميع
ونحمد الله ام سيد اخيرا اقتنعت وحمدت الله ورجعت السعاده للبيت يوم طعميه
ويوم فراخ وعلي قد الايد المهم نحمد الله وصدق اجدادنا عندما قالوا في
المثل
(علي قد لحافك مد رجليك )
(علي قد لحافك مد رجليك )
ليست هناك تعليقات:
إرسال تعليق